ஜூலை 8ம் தேதி நெட் தேர்வு – CBSE

உதவிப் பேராசிரியர்களுக்கான தகுதி காண் தேர்வான நெட் தேர்வு ஜூலை 8ம் தேதியன்று நடைபெற உள்ளது.

இது தொடர்பாக சிபிஎஸ்இ வெளியிட்டுள்ள அறிவிக்கையில், 2018ம் ஆண்டுக்கான நெட் தேர்வு ஜூலை 8ம் தேதி நடைபெறும் எனவும், தேர்வுக்கான விண்ணப்பங்கள் மார்ச் 6ம் தேதி முதல் ஆன்லைன் மூலம் விநியோகிக்கப்படும் எனவும் தெரிவிக்கப்பட்டுள்ளது. ஜேஆர்எப் எனப்படும் ஆய்வுப் படிப்பில் சேர்வதற்கான வயது வரம்பு 28லிருந்து 30 ஆக உயர்த்தப்பட்டுள்ளது. நெட் தேர்வில் மூன்று தாள்கள் இருந்த நிலையில், தற்போது மூன்றாவது தாள் நீக்கப்பட்டு தேர்வு நேரமும் இரண்டு மணிநேரமாகக் குறைக்கப்பட்டுள்ளது எனவும் சிபிஎஸ்இ வெளியிட்டுள்ள அறிவிக்கை தெரிவிக்கிறது.